Ish trajnerët e Sllovakisë: Kosova nuk do ta mposhtë veten

Të lumtur me shortin!

Sllovakia do ta sfidojë Kosovën në play-off për tu ngjitur në Kupën e Botës 2026. Dushan Galis, Jan Kocian, Shtefan Tarkoviq dhe Milan Leshicku folën pozitivisht për kundërshtarin e tyre.

Në gjysmëfinalet e play-off-it, më 26 mars të vitit 2026, Kosova ndeshet me Sllovakinë. 

Media sllovake

Fituesi i kësaj sfide përballet në finale me fituesin e ndeshjes Turqi – Rumani, ku do të kërkojnë një biletë për në Kampionatin Botëror në futboll që mbahet vitin e ardhshëm. 

“Ish – trajnerët e Sllovakisë janë të kënaqur me shortin, por në të njëjtën kohë theksojnë se as Kosova nuk do ta mposhtë veten”, shkruan media sllovake “sportovy.cas”

"Le ta falënderojmë Zotin për një short të tillë. Kosova është padyshim kundërshtari më i pranueshëm nga katër që mund të kishim marrë", tha Dushan Galis (75 vjeçar), i cili u përball me Spanjën me ekipin e tij në fazën eliminatore për Kupën e Botës 2006 (1:5, 1:1).

Pasardhësi i Galis në stolin e ekipit kombëtar sllovak, Jan Kocian (67), gjithashtu e sheh Kosovën si kundërshtarin më të pranueshëm. "Ata janë të gjithë kundërshtarë të pakëndshëm.

Kur flasim konkretisht për Kosovën, ata përfunduan të dytët në grup pas zviceranëve dhe humbën vetëm ndaj tyre.

Padyshim që kanë cilësi. Trajner është gjermani Franco Foda, i cili është me përvojë. Ata janë përmirësuar në performancë vitet e fundit, kështu që asgjë e lehtë nuk na pret", shtoi ai.

Shtefan Tarkoviq (52) nuk mendon se Kosova është më e dobëta. "Pritjet janë të larta, por e kam parë Kosovën duke luajtur disa ndeshje dhe mund të them se ata luajnë futboll shumë të papështatshëm.

Sa i përket supozimeve në letër dhe asaj që duhet të jemi në gjendje të përballojmë, ata janë një kundërshtar i pranueshëm ", tha ai.

Sipas Milan Leshickyt (80), nuk ka kundërshtar të lehtë në play-off. "Secili në të ka cilësinë e vet.

Kjo vlen edhe për Kosovën, e cila ka futbollistë të talentuar dhe sportistë të shkëlqyer jo vetëm në futboll.

Luhet një ndeshje dhe futbolli shpesh mund të jetë i padrejtë.

Kam respekt për Ballkanin", shtoi ish-ndihmës i ekipit kombëtar çekosllovak dhe trajneri i parë i ekipit sllovak U-21.