Arsimi shokon Sileksin në Kratovë në një fushë me baltë

Skuadra shqiptare Arsimi nga Çegrani ka dëshmuar cilësi në përballjen me Sileksin ën Kratovë në kuadër të javës së 15-të të elitës së futbollit të Maqedonisë së Veriut.

KF Arsimi ka triumfuar me rezultat 3:1 ndaj Sileksit të favorizuar.

Kjo është befasia më e madhe e javës së 15-t.

“Megjithatë, ajo që ndodhi sot në Kratovë dhe kushtet në të cilat u luajt kjo ndeshje, janë një shembull tipik i asaj që thuhet se është realiteti i futbollit maqedonas.

Gjendja e fushës ishte më shumë se e dëshpëruar, ndeshja filloi me një vonesë gjysmë ore dhe mezi u përfundua.

Topi pothuajse nuk lëvizte në fushën me baltë”, shkruan media maqedonase “Sportsport”.

Për skuadrën e Arsimit shënuan Mirnel Huriç, Rinor Ajdini e Alban Taipi dhe për Sileksin realizoi Mirçevski.

Sileksi zë vendin e 4-t me 28 pikë e Arsimi të gjashtin me 21 sosh.