Ukraina sulmon me dron rajonin rus Rostov
- Bota Sot
Autoritetet ruse thanë sot se katër persona u vranë dhe të paktën 10 të tjerë u plagosën në sulmin me dron të Ukrainës në rajonin Rostov.
Guvernatori i rajonit Yury Slyusar tha në Telegram se viktimat janë rezultat i sulmit të mbrëmshëm në qytetin Taganrog.
"Pasojat janë serioze dhe shkalla e dëmit ende nuk është vlerësuar. Komisioni do të fillojë këtë punë pasi inxhinierët dhe hetuesit të japin leje", tha ai, raporton Anadollu.
Ministria e Mbrojtjes e Ukrainës konfirmoi sulmin në Taganrog, duke pretenduar se shënjestra ishte infrastruktura energjetike që furnizon forcat e armatosura ruse.
Sipas ministrisë, disa rafineri nafte u goditën mbrëmë në disa rajone jugore ruse.
