Milani kryeson Serinë A, Alegri i pakënaqur: Ishte ndeshje me dy fytyra, ja çfarë duhet të përmirësojmë

Trajneri i Milanit, Masimiliano Alegri, foli për DAZN pas fitores 1-0 ndaj Lacios.

“Asgjë nuk ndodhi me Kolun, nuk e ofendova fare, por në entuziazmin e përgjithshëm ai më nxori jashtë loje. Gjëja e rëndësishme ishte të fitonim, luajtëm një lojë me dy fytyra, duhet të përmirësohemi në faza të caktuara të ndeshjes.”

A ndihet Leao gjithnjë e më rehat si qendërsulmues?

“Leao ka cilësitë për të qenë një qendërsulmues, ai e bëri këtë tashmë te Lilë. ai është një sulmues i mirë dhe sulmon shumë mirë portën, por padyshim që mund të përmirësohet.”

Sa pikë sjell një portier si Menja?

“Portieri është pjesë e formacionit titullar. Me lojtarë të fortë, është shumë më e lehtë të fitosh ndeshje. Jemi shumë të lumtur që e kemi, ai bëri një pritje shumë të vështirë.”

A mund të fillojmë të përmendim fjalën Scudetto?

“Mund t’i vini emrin çfarë të doni, këto tre pikë janë të rëndësishme për të shkuar në Ligën e Kampioneve. Duhet të përqendrohemi së pari te Kupa e Italisë dhe pastaj të ruajmë qëndrueshmërinë. Renditja është e ndarë në dy pjesë, është një ligë e çuditshme dhe duhet të marrim sa më shumë pikë të jetë e mundur sepse pozicionet mund të ndryshojnë brenda një ndeshjeje të vetme.”

A po bën diferencën mbrojtja?

“Mendoj se për të krijuar kushtet për një sezon të mirë, të gjithë duhet të përfshihen dhe të vënë në punë aftësitë e tyre për ekipin, siç bëjnë lojtarët e shkëlqyer. Djemtë po e bëjnë këtë në mënyrën më të mirë të mundshme, ne duhet të vazhdojmë të marrim pikë.”

Si e ndryshoni trendin me ekipet më të vogla?

“Tani kemi ndeshjen e Kupës së Italisë, e cila do të jetë e vështirë, pastaj do të mendojmë për Torinon dhe do të duhet të fillojmë t’i përmbysim gjërat.”