Leon Ujkaj: Kemi arritur nivelin ku luftojmë për trofe çdo sezon

Mbrojtësi i Deçiqit nga Tuzi, Leon Ujkaj, ka luajtur në Shqipëri dhe Kosovë që nga fillimi i karrierës së tij, me një vit "pauzë", i lidhur me klubin nga Tuzi. Ai ka kaluar nëpër të gjitha, ligën e dytë, ligën e parë, Europën dhe pastaj kampionatin me Deçiqin!

“Ai është dëshmitar i rritjes së madhe të Deçiqit, fituesit aktual të Kupës së Malit të Zi, i cili ka luftuar rregullisht për trofe në sezonet e fundit. Ky sezon është i njëjtë - në të dyja garat”, shkruan mediumi malazez “Vijesti”.

“Ne e kemi rritur ndjeshëm nivelin në vitet e fundit, nga lufta për mbijetesë, kemi ardhur në pikën ku luftojmë për trofe çdo sezon.

Jam shumë i lumtur që jam pjesë e gjithë kësaj historie, e di si ishte më parë, e di si është tani dhe jam krenar për çdo seancë stërvitore, çdo ndeshje, në baltë apo në shi, sepse Deçiqi është klubi im”, thotë Ujkaj.

Ai ëndërronte të kthehej në Ligën e Parë, ëndërronte të luftonte për Evropën, ëndërronte për titullin kampion, ëndërronte për një trofe në Kupë.
Ai ka arritur gjithçka, por motivimi nuk ndalet kurrë.

“Gjithmonë do të jetë kështu ndërsa unë vesh fanellën e Deçiqit, gjithmonë do ta vesh me të njëjtin pasion.

Jam i lumtur që si ekip jemi përsëri në një situatë ku jemi në krye dhe luftojmë për trofe.

Dhe është e rëndësishme të qëndrojmë këmbëngulës, të japim më të mirën tonë, mund të fitojmë gjithçka, ndoshta nuk do të fitojmë asgjë, ky është futbolli, por për sa kohë që e lëmë pikën e fundit të djersës në fushë, do të jemi të kënaqur, të paktën me veten tonë”, tha Ujka.

Fjalët e Leon Ujkajt konfirmohen jo vetëm nga rezultatet, por edhe nga rrjedha dhe epilogu i ndeshjeve të caktuara, disa prej tyre, për shembull kundër Jezeros ose Jedinstvos në shtëpi, skuadra nga Tuzi fitoi me një gol në minutat e fundit të kohës shtesë.

“Kjo ndoshta konfirmon se sa e gatshme është kjo skuadër për të luftuar; se nuk dorëzohet kurrë. Kur është kështu, futbolli shpesh të shpërblen, dhe golat në minutat e fundit nuk janë të rastësishëm”, tha Ujkaj.

Skuadra e Nebojsha Jandiq është në vend të tretë me 27 pikë por ka një ndeshje dhe 6 pikë më pak se lideri Sutjeska.

Kualifikimi në gjysmëfinalen e Kupës - i gjashti radhazi - e ka ndriçuar më tej vjeshtën e tuzjanëve, pavarësisht se si përfundon.

“Vetë fakti që jemi në gjysmëfinalen e Kupës për herë të gjashtë radhazi flet shumë për sa shumë kemi përparuar si klub.

Kemi një fund të vështirë të vjeshtës përpara, kjo është një periudhë me mot të keq, fusha të vështira dhe një orar të ngjeshur, por dëshira jonë është të marrim sa më shumë pikë të jetë e mundur nga ndeshjet e mbetura kundër Bokelit, Mlladostit dhe Buduçnostit”, tha Ujkaj,
Ujkaj është një lojtar i rregullt në vijën mbrojtëse të tuzjanëve, ku ka nga kush të mësojë.

“Për pjesën më të madhe të gjysmësezonit, luajta në dyshe me Zharko Tomasheviqin, i cili është një lojtar i shkëlqyeshëm, lojtar i ekipit kombëtar, lojtar ndërkombëtar, dhe është kënaqësi të luaj me të. Jam i kënaqur që edhe me dëmtimin e tij, kur luaj në dyshe me Nikolla Braunoviq, mbrojtja nuk vuan aq shumë”, theksoi futbollisti.

Ujkaj është 28 vjeç, dhe idhulli i tij është një 40-vjeçar: legjendari Sergio Ramos.

“Një lojtar i shkëlqyer, një profesionist i madh. Ende po vazhdon, të gjithë do të donim të vazhdonin kështu”, nënvzoi Ujkaj.

Synimet e tij janë që një ditë të luajë diku në Evropë.

“Qëllimi i çdo lojtari është të provojë veten në një ligë më të fortë. Jam i sigurt se nuk është tepër vonë as për mua.

Po e shijoj Deçiqin, do të shohim se çfarë do të sjellin muajt në vijim”, -përfundon Leon Ujkaj.