Publikohen pamjet: Sulm i ri në Çeçeni - goditet kulla qeveritare në Grozni

Një mëngjes shpërthyes në Çeçeni. Dronët ukrainas godasin “Grozny-City”.

Një sulm me dron u regjistrua në lagjen “Grozny-City”, duke dëmtuar njërën nga kullat e larta.

Në këtë ndërtesë ndodhen zyrat e Këshillit të Sigurisë së Çeçenisë, Avokatit të Popullit, Dhomës së Auditimit, Komisionit Zgjedhor dhe disa institucioneve të tjera qeveritare.

Aeroportet në të gjithë Kaukazin e Veriut pezulluan përkohësisht operacionet gjatë natës.

Ky është sulmi i dytë me dron në rajon brenda një jave: më herët, dronë goditën objektet e FSB-së në Achkhoy-Martan dhe selinë e policisë së distriktit në Gudermes.

Para kësaj, Çeçenia nuk kishte qenë objektiv i dronëve ukrainas që nga dhjetori i vitit të kaluar.