Roy Keane kritikon ashpër Manchester Unitedin

Ish-legjenda e Manchester United, Roy Keane, ka shprehur zhgënjimin e tij të madh pas barazimit 1-1 të skuadrës së tij të zemrës ndaj West Ham në “Old Trafford”.

Sipas Keane, ekipi nuk tregoi agresivitetin e duhur për të siguruar tre pikët, duke i kritikuar veçanërisht dobësitë në minutat e fundit të ndeshjes.

Manchester United, i cili u vendos në vendin e 8-të me 22 pikë, mbetet 11 pikë larg liderit Arsenal dhe jashtë mundësisë për të arritur vendin e pestë. Goli i Diogo Dalot u barazua nga Soungoutou Magassa në minutën e 83-të, duke shënuar të tretin rast në pesë ndeshjet e fundit që ekipi nuk ia del të fitojë pas shënimit të golit të parë.

“Çdo herë që shoh Manchester United mbetem i zhgënjyer. Ata nuk janë efektivë dhe nuk kanë agresivitet për të përfunduar punën. Tri apo katër ndeshjet e fundit kanë qenë jashtëzakonisht frustrues.

Kishin mundësi të mëdha dhe dukeshin të trembur. Mbrojtën si një ekip amator.

Dalot tha pas ndeshjes se ekipi u nervozua pas golit të parë, por arsyeja për të luajtur te Manchester United është të dish si të menaxhosh këto situata,” tha Keane për “Sky Sports”