Bianconerët fluturojnë në Napoli vetëm ditën e ndeshjes

Juventus do të udhëtojë drejt Napolit në mëngjesin e ndeshjes së të dielës, teksa trajneri Luciano Spalletti synon të ruajë fokusin e skuadrës dhe të shmangë çdo shpërqendrim para përballjes në Serie A.

Sipas raportimeve nga Sky Sport Italia dhe Gazzetta dello Sport, Bianconeri nuk do të zbresin në Napoli një ditë përpara si zakonisht, por do të fluturojnë për rreth 1 orë e 30 minuta mëngjesin e ndeshjes.

Ky vendim vjen për të shmangur shpërqendrimet që lojtarët kanë hasur më parë përballë tifozëve të Napolit, të cilët shpesh ndezin fishekzjarrë dhe bëjnë zhurmë pranë hotelit të skuadrës.

Pas ndeshjes, Juventus do të kthehet menjëherë në Torino, ndërsa Spalletti synon që ekipi të jetë maksimalisht i përqendruar për sfidën kundër Partenopei.