Tirana para derbit me Partizanin: Ne luftojmë së bashku

Tirana do të luajë një ndeshje shumë të rëndësishme ditën e dielë. Bardheblutë do të presin në “Air Albania” skuadrën e Partizanit dhe mes tyre do të bëjnë llogaritë e derbit të dytë të këtij sezoni.

Një përballje kjo ku bardheblutë do të synojnë doemos vetëm fitoren për të mbajtur serinë e rezultateve pozitive në derbi ndaj rivalit të tyre.

Momenti që po kalojnë në kampionat nuk është aspak i favorshëm për ta, por gjjithsesi nëpërmjet një video në rrjetet sociale, klubi bardheblu ka “paralajmëruar” të kuqtë.

“Ne shfaqemi, ne luftojmë së bashku”, shkruhet krahas videos, në të cilën duket Romal Haxhiu.

Ky i fundit fillimisht mban dorën te stema, një mënyrë për t’iu treguar rivalëve edhe “peshën” e rëndë që mbaj ajo fanellë, ndërsa me shiritin e kapitenit në krah do të synojë edhe fitoren në “Air Albania”..