Rusia lëshon raketa hipersonike mbi Ukrainë, Kievi në errësirë totale

Qyteti lindor i Ukrainës, Kremençuku pjesë  rajonit të Poltavas, u sulmua mbrëmjen e djeshme nga raketat ruse.

Disa raketa hipersonike Kinzhal dhe dhjetëra dronë rusë u lëshuan në qytet, i cili ndodhet rreth 250 kilometra në juglindje të kryeqytetit Kiev. Kryetari i bashkisë Vitaliy Maletsky raportoi se furnizimi me energji elektrike, ujë dhe ngrohje kishte ndërprerje në disa zona dhe se personeli po punonte për të rivendosur ndërprerjet.

"Një tjetër sulm masiv i kombinuar ndaj infrastrukturës së Kremençukut" ka shkaktuar "ndërprerje të energjisë elektrike, ujit dhe ngrohjes në disa zona të qytetit", tha kryebashkiaku në Telegram. "Të gjitha shërbimet e qytetit po punojnë pa ndërprerje për të rivendosur sistemet kritike sa më shpejt të jetë e mundur", shtoi ai.

Nga ana tjetër, Moska ka pretenduar se mbrojtja ajrore ka kapur dhe shkatërruar 77 dronë ukrainas mbi rajonet ruse mbrëmjen e djeshme. Autoritetet lokale në Oblastin e Rostovit raportuan se infrastruktura energjetike është dëmtuar për shkak të sulmeve të urdhëruara nga Kievi.