Kjo është gjendja e Laroshit të Gjilanit

Portieri Vokli Laroshi sot ka pësuar lëndim në përballje me Llapin e Podujevës.

Gjilani e ka fituar takimin me rezultat 2:0 ndaj Llapit, në ndeshjen e javës së 16-të të elitës së futbollit të Kosovës.

Në fakt, Laroshi i Gjilani është lënduar.

“Sport Club Gjilani njofton se futbollisti Vokli Laroshi ka pësuar një goditje të fortë në fytyrë gjatë ndeshjes së sotme ndaj Llapit, si pasojë e një kontakti të pakontrolluar të lojtarit kundërshtar Alex Gnapi. 

Menjëherë pas incidentit, ekipi mjekësor i klubit reagoi me shpejtësi, duke i ofruar ndihmën e parë në fushë, ndërsa për arsye sigurie dhe sipas protokolleve mjekësore, u vendos që portieri të zëvendësohej.

Pas kontrollit mjekësor të kryer menjëherë pas ndeshjes, gjendja e Voklit vlerësohet stabile dhe pa pasoja serioze, megjithëse vazhdon të ndjejë dhimbje të lehta në kokë, të cilat po monitorohen nga ekipi mjekësor.

Klubi konfirmon se lojtari do të vazhdojë trajtimin dhe pushimin e nevojshëm, ndërsa çdo zhvillim i mëtejmë mbi gjendjen e tij do të komunikohet në kohë.

Rikthimi në aktivitet do të bëhet pas konsulatave të radhës me stafin mjekësor të ekipit.

Falënderojmë të gjithë për kujdesin dhe interesimin e treguar”, njofton SC Gjilani.