Mbulohen tribunat në stadiumin “Zahir Pajaziti”

Klubi i futbollit Llapi nga Podujeva do të modernizojë edhe më shumë stadiumin “Zahir Pajaziti”.

Skuadra llapjane njofton edhe kur do të nisin punimet.

“Nesër nisin punimet për mbulimin e tribunave dhe ndriçimin e stadiumit “Zahir Pajaziti”

Të enjten, më 11 dhjetor, do të vendoset gurthemeli për fillimin e punimeve në mbulimin e tribunave dhe instalimin e ndriçimit modern në stadiumin “Zahir Pajaziti”, shtëpinë e KF Llapit.

Batatina ka theksuar se stadiumi do t’i ketë 5.500 ulëse.

Në ceremoninë zyrtare do të marrin pjesë Kryeministri në detyrë i Republikës së Kosovës, Albin Kurti, Kryetari i Komunës së Podujevës, Shpejtim Bulliqi, si dhe Ministri në detyrë i Kulturës, Rinisë dhe Sportit, Hajrulla Çeku.

Ky projekt i rëndësishëm shënon një hap të madh drejt modernizimit të infrastrukturës së stadiumit, duke krijuar kushte më të mira për lojtarët, tifozët dhe ndeshjet që zhvillohen në Podujevë”, thuhet në njoftimin e KF Llapi.