Spalletti drejton gishtin nga dy lojtarë që nuk e ndihmuan Edon Zhegrovën

Futbollisti Edon Zhegrova mbrëmë ka luajtur titullar, për t’u zëvendësuar në minutën e 46-të në përballje me Pafos nga Qipro.

Juventusi e fitoi përballjen me rezultat 2:0 ndaj Pafos, në kuadër të xhiros së gjashtë të Champions League në futboll. 

Spalleti ka drejtuar gishtin se kush nuk e ndihmojë Zhegrovën në këtë përballje në fushën e lojës.

Spalletti e mbrojti paraqitjen e sulmuesit të krahut, duke thënë: “Kur na detyruan të luanim në të majtë, ai ishte i angazhuar të mbrohej një kundër një, por ai është thjesht ofensiv.

Sipas mendimit tim, Edoni luajti shumë mirë në pjesën e parë.

Megjithatë, ai ka nevojë të përmirësojë aspektin fizik”.

“Ata nuk e ndihmuan në pjesën e parë.

Kalulu dhe McKennie ishin shumë lart në fushë dhe po ia mbytnin zonën, duke e bllokuar atë.

Tani ai ka 45 minuta në këmbë, kështu që duhet vazhduar.

Ai mund të fillojë ndeshjet ose të paraqitet nga fillimi i pjesës së dytë. Mund të marrim vendime të ndryshme.

Ai mund të tregojë cilësitë e tij të jashtëzakonshme, pastaj do të shohim”, tha Spalletti.