Zelensky: Kievi është i gatshëm të heqë dorë nga aplikimi për anëtarësim në NATO

Presidenti ukrainas Volodymyr Zelensky tha se ishte gati të braktiste përpjekjen e Kievit për anëtarësim në NATO në këmbim të garancive të sigurisë nga Shtetet e Bashkuara dhe Evropa, në një veprim që synon avancimin e bisedimeve të paqes të planifikuara për të dielën në Berlin.

Kështu ka raportuar Financial Times.

“Po flasim për garanci dypalëshe sigurie midis Ukrainës dhe Shteteve të Bashkuara, domethënë, garanci sipas Nenit 5 (...), si dhe garanci sigurie për ne nga partnerët tanë evropianë dhe vende të tjera si Kanadaja, Japonia dhe të tjera”, u tha Zelensky gazetarëve në një bisedë në WhatsApp.