Media serbe habit, përmend Tiranën: Shqipëria dhe Serbia vendosin

Sot, në një takim në Doha, Federata Botërore e Futbollit (FIFA) shpërndau kuotat kontinentale për pjesëmarrjen e ekipeve kombëtare në Lojërat Olimpike 2028 në Los Angeles.

12 këmbëtare do të luajnë në turneun e meshkujve dhe 16 në turneun e femrave në Lojërat e Los Angelesit, dhe amerikanëve mikpritës u garantohet një vend në të dy turnetë.

Media serbe “Veçernj Novosti” habit me shkrim në lidhje me këtë, duke përmendur Shqipërinë dhe Serbinë.

“Edhe pse FIFA nuk ka njoftuar se si do të arrijnë tre kombëtaret evropiane në turneun olimpik të futbollit, nëse gjithçka mbetet siç ishte në Lojërat e mëhershme, kjo do të vendoset nga Kampionati Evropian për të rinj (U-21), i cili zhvillohet një vit para Lojërave Olimpike.

Dhe ai kampionat "U21" në vitin 2027 organizohet bashkërisht nga Serbia dhe Shqipëria.

Dhe, meqenëse futbollistët e rinj të Serbisë janë tashmë të kualifikuar, si lojtarë të vendit të origjinës, atyre "vetëm" u duhet të fitojnë një nga tre vendet në atë turne, dhe do të marrin pjesë në Lojërat Olimpike.

Dhe nuk ka rrethanë më të favorshme sesa fakti - që të gjitha ndeshjet vendimtare do të luhen në shtëpi, para publikut në Serbi.

Finalja nuk do të luhet në Beograd...

Ndeshja e parë e Kampionatit Evropian "U21" 2027 do të luhet në Novi Sad, dhe finalja do të mbahet në Tiranë, në stadiumin e ri Kombëtar, i cili përmbush kërkesat e UEFA-s për gara të tilla në shkallë të gjerë.

Stadiumi Kombëtar serb, i cili është në ndërtim e sipër, nuk do të jetë në gjendje të presë finalen e këtij kampionati për shkak të rregulloreve të shtëpisë evropiane të futbollit, të cilat thonë se ndeshja finale mund të luhet vetëm në një stadium sportiv që ka qenë në funksion për më shumë se një vit”, shkruan mes të tjera media serbe.