Prishtina shijon gëzimin e parë me kryetrajnerin e ri Afrim Tovërlani

Afrim Tovërlani megjithatë buzëqeshi në pankinën e klubit më të madh në Kosovë, Prishtina.

Skuadra më e trofeshme në vendin tonë, Prishtina, shënoi fitore me përmbysje me rezultat 2:1 ndaj Drenicës së Skenderajt, në takimin e javës së 18-të të elitës së futbollit të Kosovës.

Tovërlani pas një barazimi e dy humbjeve, shijoi fitoren e parë prej se ka marrë drejtimin e klubit të fëmijërisë.

Ballafaqimi mes Prishtinës dhe Drenicës së Skenderajt, u karakterizua me lojë të mirë dhe me tre gola në stadiumin “Fadil Vokrri” në Prishtinë.

Drenica kaloi në epërsi (0:1) në minutën e 32 të, autor i golit Ronaldo Chacon.

Prishtina këndellet dhe arriti të barazojë në minutën e 59-të duke i falënderuar futbollistit Ramiz Bytyqi.

Futbollisti Mario Ilievski shënoi në minutën e 78-të për fitoren e madhe të Prishtinës.

FC Prishtina është në vend të dytë me 30 pikë, dy më pak se Ballkani dhe Drenica renditet në të tetin me 20 sosh.