Pogradeci i jep leksion futbolli Luftëtarit

Kanë përfunduar 3 ndeshjet e para të javës së 17-të të Kategorisë së Parë.

Në këto 3 duele u shënua edhe një total prej 10 golash.

Pogradeci mori fitore të madhe dhe të merituar në transfertë përballë Luftëtarit në transfertë. Këta të fundit u mposhtën me shifrat 2-3 nga “liqenorët” të cilët treguan forcë dhe karakter.

Në ndeshjet e tjera, Apolonia humbi 0-2 me Laçin, ndërsa skuadra e Kastriotit surprizoi Lushnjën duke e mposhtur 2-1.

Kështu, Pogradeci shkon në kuotën e 32 pikëve në vendin e 3-të, ndërsa Laçi në të dytin me 1 pikë më shumë.