Rudiger në radarin e PSG-së

Paris Saint-Germain është interesuar për mbrojtësin e Real Madridit, Antonio Rudiger, sipas El Nacional.

Kampioni evropian i klubeve është gati t’i ofrojë 32-vjeçarit një kontratë fitimprurëse për ta bindur atë të largohet nga Santiago Bernabeu në verën e vitit 2026.

Menaxhmenti i PSG-së beson se lojtarët e rinj në ekip kanë nevojë për një udhëheqës si Rudiger në dhomën e zhveshjes për të vazhduar rritjen.

Reprezentuesi gjerman ka bërë 7 paraqitje për Real Madridin në të gjitha garat deri më tani në sezonin 2025/2026.

Kontrata e tij me “klubin mbretëror” është e vlefshme deri në fund të qershorit 2026, dhe platforma Transfermarkt vlerëson vlerën e Rüdiger në 12 milionë euro.