Vieri: Ka këmbë të majtë të butë

Christian Vieri, një njohës i madh i golashënuesve, foli për “Gazzetta dello Sport”: “E konsideroj Højlund, potencialisht, një nga pesë qendërsulmuesit më të mirë në botë.

Shënon gola, sulmon në thellësi dhe i lodh mbrojtjet.

Ka këmbë të majtë të butë, është i fortë në ajër dhe fizikisht.

Pra, i ka të gjitha. Nuk është e lehtë t’ia marrësh vendin, edhe pse duhet thënë se Lukaku di t’i bëjë shokët të luajnë mirë”.

Për Pio Espositon: “Mendoj se kush e quan ‘Vieri i ri’ nuk e kupton shumë… Unë krahasohesha me Boninsegna, por Pio ka karakteristika të tjera. Si strukturë i ngjan më shumë Tonit.

Po bën mirë, por është shumë i ri, duhet durim. Ka potencial mental dhe është në vendin e duhur; varet vetëm nga ai”.

Për Milanin dhe Füllkrug: “Thonin se iu duhej një ‘9’ i vërtetë dhe e morën. Duhet ambientim, por ai jep prani në zonë dhe fizik, gjë që i mungonte skuadrës”. Për kërkesat e Gasperinit:

“Duhet dëgjuar ai. Nëse thotë se duhen dy sulmues, duhen dy. Roma shënon pak; me më shumë gola nga sulmi do të ishte shumë e rrezikshme”.