Klubi katalanas po ndjek 3 emra që luajnë në Serie A

Dëmtimi i Andreas Christensen, i cili do të mungojë për një kohë të gjatë, por edhe forma jo e qëndrueshme e disa titullarëve në repartin e mbrojtjes, e detyron Barcelonën të ndërhyjë në merkato.

“Mundo Deportivo” zbulon se klubi katalanas po ndjek 3 emra që luajnë në Serie A dhe njëri prej tyre do të jetë mbrojtësi i ri i Barcelonës gjatë janarit. Synimi është huazim me të drejtë blerje deri në fund të sezonit.

Emrat që po ndjek Barcelona janë: Koni De Winter i Milan, Stefan de Vrij i Interit dhe Juan Jesus i Napolit. Secili prej tre emrave të përmendur ka pasur një rol dytësor këtë sezon, ndaj transferimi te Barcelona gjatë merkatos dimërore mund të ishte një lëvizje e mirë për karrierën e tyre.