Sërish Interi mbetet “duarbosh”

Interi vazhdon rrugëtimin e tij mes vështirësive dhe zgjedhjeve të detyruara.

Mundësia për Zhoao Kanselo u shua, me portugezin që zgjodhi Barcelonën, dhe Interi – ashtu si sezonin e kaluar – vendosi të mos investojë, duke u mbështetur te grupi aktual.

Një strategji që një vit më parë pati pasoja në fazën finale të sezonit, për shkak të lodhjes fizike dhe mendore.

Pa Damfries deri në muajin mars, me Darmianin që kthehet pas një dëmtimi të gjatë dhe me Diouf të përshtatur në role jo natyrale, skuadra zikaltër po përpiqet të mbajë ekuilibrin duke shfrytëzuar maksimalisht forcat që ka në dispozicion.

Luis Enrike, nën drejtimin e Kristian Kivu-t, po tregon shenja të qarta rritjeje dhe përshtatjeje.

Për Kivu-n, sfida është e madhe: të konkurrojë dhe të fitojë ndaj rivalëve që ndërkohë po investojnë dhe po rinovojnë skuadrat e tyre.

Në këtë janar, në vend të blerjeve, fokusi mund të zhvendoset te largimet. Çështja Frattesi mbetet e hapur, por negociatat me Gallatasaraji-n janë të bllokuara për shkak të formulës së huazimit dhe kushteve të blerjes.

Ndërkohë, Açerbi dhe De Vrij pritet të qëndrojnë deri në fund të sezonit, me të ardhmen e tyre që do të vendoset në qershor, kur kontratat skadojnë. Për momentin, mes rreziqeve dhe pritjes, Interi mbetet kështu. Pikërisht si një vit më parë.