Milani do tia rrisë pagën

Historia e bukur midis Mike Maignan dhe AC Milan duket se do të vazhdojë.

Portieri i kombëtares franceze (37 ndeshje) është shumë afër zgjatjes së kontratës së tij me kuqezinjtë, sipas informacionit nga gazetari italian Gianluca Di Marzio, të cilin LÉquipe ka qenë në gjendje ta konfirmojë.

Portieri 30-vjeçar, i cili erdhi nga sistemi i të rinjve të PSG-së dhe u bë i njohur te LOSC Lille, pritet të nënshkruajë një kontratë me klubin lombard deri në vitin 2031, ndërkohë që thuhet se Milani do tia rrisë pagën garadianit për tu barazuar me atë të Rafael Leao (5.7 milionë euro në vit).

Marrëveshja përfundimtare pritet të arrihet në ditët në vijim. "E ardhmja e ekipit është në duar të sigurta. Të gjitha palët po punojnë drejt një të ardhmeje së bashku", konfirmoi trajneri Massimiliano Allegri të mërkurën, kur u pyet për një zgjatje të mundshme të kontratës për portierin e tij.

Maignan mbërriti në Lombardi nga Lille në maj të vitit 2021 për një tarifë prej 15 milionë eurosh. Lojtari nga Cayenne është bërë që atëherë portieri i padiskutueshëm i Milanit, ku fitoi Scudetton në vitin 2022 dhe Superkupën e Italisë në vitin 2024.