Hjulmand: Nëse nuk ndodh gjë, sërish jam i kënaqur

Pushimi ishte i shkurtër, kalendari është i ngjeshur.

E megjithatë, Kasper Hjulmand dëshiron që në vitin 2026 të gjejë kohë për të qenë më shumë njeri dhe jo vetëm trajner.Ai ka “plane të mëdha” me Bajer Leverkusenin dhe për t’i realizuar ato, jo domosdoshmërisht ka nevojë për përforcime. Kasper Hjulmand u shfaq i kënaqur me nivelin e energjisë në fillim të përgatitjeve te Leverkusen.

“Duket mirë,” tha trajneri të dielën, kur u pyet për gjendjen fizike të lojtarëve pas pushimit të shkurtër dimëror. Vetë ai i kishte rimbushur bateritë gjatë festave me familjen e tij në Danimarkë.

Dhe kjo ishte e nevojshme urgjentisht. Sepse të shtunën nis gjysma e dytë e sezonit me supersfidën ndaj Shtutgartit – një sezon që fillon me katër ndeshje radhazi në mesjavë. Edhe pse Hjulmand nuk shpalli një objektiv konkret për vitin 2026, ai e bëri të qartë: “E kam thënë gjithmonë: Ne jemi këtu për të arritur gjëra të mëdha me këtë klub.”

Danezi nuk e sheh si të domosdoshëm një transferim të ri për t’i arritur këto “gjëra të mëdha”. “Unë gjithmonë flas me Simonin për atë që mund të bëjmë,” zbuloi ai, duke hedhur dritë mbi bisedat me drejtorin sportiv Rolfes. “Por duhet ta them se jam shumë i kënaqur me skuadrën. Me këtë ekip kemi shumë mundësi për tu zhvilluar dhe për të luajtur më mirë.”

Në kampionat, pas një fillimi të lëkundur, Leverkuseni është të paktën plotësisht në garë për vendin e dytë; në Kupë, çerekfinalja ndaj St. Pauli është planifikuar për fillimin e shkurtit, ndërsa Leverkusen aktualisht është në kurs për play off-in e Ligës së Kampioneve.

“Mendoj se mënyra më e mirë që një skuadër të përmirësohet është gjithmonë përmes kohës, pushimit, stërvitjes dhe ndeshjeve.

Kështu zhvillohen lojtarët.”

Megjithatë, Hjulmand nuk i përjashtoi plotësisht transferimet. “Ndoshta do të ketë mundësi, ndoshta jo.

Nëse nuk ndodh asgjë, atëherë do të jem i kënaqur dhe do të vazhdojmë punën tonë.

Por gjithmonë i kemi parasysh përmirësimet e mundshme.”