Solskjaer dhe Carrick, dy hipoteza për të marrë drejtimin e Manchester United

Një stol për dy trajnerë. Manchester United ka planifikuar të zhvillojë bisedime të tjera me Ole Gunnar Solskjaer dhe Michael Carrick para se të vendosë se cilin do të zgjedhë si pasues të Ruben Amorim.

Për momentin stoli i është besuar një tjetër ish-lojtari të “Red Devils”, Darren Fletcher. Drejtori sportiv Jason Wilcox pati të martën kontaktet e para me ish-lojtarët, të cilët duket se duan të bëhen pjesë e skuadrës së parë.

United ka edhe kandidatë të tjerë që mund të marrë në konsideratë për rolin e trajnerit deri në fund të sezonit. Mes tyre është Ruud Van Nistelrooy, i cili mbushi boshllëkun e lënë nga Erik Ten Haag në tetor të 2024-ës, para se Amorim të merrte drejtimin e Manchester United.

Emra të tjerë që qarkullojnë për sezonin e ardhshëm janë Oliver Glasner, Marco Silva dhe Andoni Iraola.

Që të tre me kontratë deri në fund të këtij sezoni. Thomas Tuchel, Julian Nagelsmann dhe Mauricio Pochettino mund të jenë të disponueshëm sapo të përfundojnë impenjimet e tyre ndërkombëtare në Kupën e Botës.