Juventusi vazhdon kërkimin për përforcime

Juventusi vazhdon kërkimin për përforcime pa pagesë transferimi dhe emri i ri në radarin e drejtuesve të klubit është Oscar Mingueza.

Mbrojtësi spanjoll, ish-lojtar i Barcelonës dhe aktualisht te Celta Vigo, ka kontratë që skadon në qershor 2026 dhe mund të vijë në Torino pa kosto transferimi.

Mingueza, i cili do të mbushë 27 vjeç në maj, është një lojtar shumë i përdorshëm: mund të luajë si qendërmbrojtës në mbrojtje me tre ose katër mbrojtës, ose si mbrojtës i djathtë i gjithë fushës.

Me mbi 220 ndeshje në nivel profesionist, ai do të ishte një alternativë e vlefshme për Kalulu ose si përforcim anësor për skemën e preferuar të Luciano Spalletti-t, që nuk është bindur plotësisht nga Joao Mario.

Drejtori sportiv, Marco Ottolini, ndodhej në Spanjë për të ndjekur ndeshjen Sevilla-Celta dhe për të vlerësuar Mingueza-n nga afër. Nëse kjo marrëveshje nuk do të realizohet, Juventusi mund të kthehet te Mazraoui, mbrojtës maroken i Manchester United, i cili tashmë është jashtë planeve të “Red Devils”.

Kjo strategji është pjesë e qasjes së re të klubit, që pas blerjes së Jonathan David në merkato e kaluar, duket i vendosur të forcojë skuadrën duke shfrytëzuar mundësi tek lojtarët e lirë ose ata me kontrata që skadojnë.