Arbeloa, stërvitja e parë te Real Madridi

Te Real Madridi ka nisur zyrtarisht era e Alvaro Arbeloa. Trajneri i ri i “Los Blancos” drejtoi stërvitjen e pare, pas zëvendësimit të Xabi Alonsos së shkarkuar.

Risi e menjëhershme është rikthimi në rol kyç i Antonio Pintus, përgatitësit atletik italian që ka qenë vendimtar në sukseset e Carlo Ancelottit. Ai do të merret sërish me përgatitjen fizike të ekipit.

Debutimi i Real Madridit të Arbeloa do të jetë të mërkurën ndaj Albacete, në Kupën e Mbretit. Ndihmëstrajner do të jetë Julian Carmona, i cili ka punuar me Arbeloa te Real Madrid Castilla.

Në ndeshjen e parë do të mungojnë disa emra të rëndësishëm: Mbappe, Rodrygo, Mendy, Alexander-Arnold, Rüdiger dhe Militão, të gjithë nuk ishin në stërvitjen e së martës.

Në ekipin e parë, Arbeloa gjen sërish Gonzalo García, tashmë i afirmuar edhe me Xabi Alonso. Arbeloa vjen me shifra rekord nga akademia: në 200 ndeshje ka regjistruar 151 fitore, 24 barazime dhe 25 humbje, duke arritur 100 fitore në vetëm 124 takime. Tani e pret sfida më e vështirë me Vinicius dhe shokët e tij.