Vora rikthehet të luajë prapë në shtëpi

Vora rikthehet të luajë prapë në shtëpi!

Stadiumi i Vorës do të hapë zyrtarisht dyert nesër, ku do të presë Partizanin në ndeshjen e vlefshme për javën e 20-të të Superiores.

Pasi ndeshjet e dy fazave të para i luajtën në disa stadiume të ndryshme, është koha që vorakët të kthehen për të luajtur në shtëpinë e tyre.

Stadiumi duket i transformuar në një impiant modern duke përfshirë ndërtimin e tribunës së re qendrore, rikonstruksionin e dhomave të zhveshjes, ambienteve për stafet teknike, si edhe përmirësimin e hapësirave të tjera funksionale.