Pas vërshimeve në rrugën Prishtinë–Ferizaj, gjenden tabela automjetesh: Pronarët mund t’i marrin në Graçanicë

Policia e Kosovës ka bërë të ditur se në zonën e prekur nga vërshimet, në rrugën Prishtinë–Ferizaj, saktësisht në afërsi të Prishtina Mall, janë gjetur disa tabela të automjeteve, raporton Gazeta Sinjali.

“Tabela të gjetura janë dorëzuar në Stacionin Policor në Graçanicë. Andaj, ftohen pronarët e këtyre tabelave që të paraqiten në këtë stacion policor për tërheqjen e tyre. Faleminderit për bashkëpunim,” thuhet në njoftimin e Policisë.