Prishtina drejt Antalisë për fazën përgatitore

Ekipi i futbollit Prishtina do të udhëtojë sonte pas mesnate drejt Antalisë, ku do të vazhdojë fazën përgatitore për pjesën e dytë të sezonit.

"Gjatë qëndrimit në Turqi, që do të zgjasë deri më 31 janar, përveç stërvitjeve, skuadra do të zhvillojë gjithsej pesë ndeshje, përfshirë finalen e Superkupës ndaj Dritës, si dhe katër ndeshje të tjera miqësore me kundërshtarë të ndryshëm.

FC Prishtina ka nisur stërvitjet më 5 janar në kuadër të përgatitjeve për pjesën pranverore të kampionatit, e cila pritet të jetë mjaft interesante.

Lidhur me ndeshjet miqësore dhe kundërshtarët, tifozët do të njoftohen me kohë përmes faqeve tona zyrtare", njofton FC Prishtina.