Mbappe u drejtohet me një thirrje tifozëve të Real Madridit?

Kylian Mbappé u ka bërë thirrje tifozëve të Real Madridit që të mos shënjestrojnë Vinicius Junior pas fishkëllimave në Santiago Bernabeu, duke theksuar se përgjegjësia për formën e dobët është kolektive. Para ndeshjes së Ligës së Kampionëve kundër Monacos, sulmuesi francez kërkoi unitet dhe mbështetje për skuadrën.

“I kuptoj tifozët sepse nuk po i bëjmë gjërat siç duhet,” tha Mbappé, duke shtuar se “nëse fishkëlleni, duhet të fishkëlleni gjithë ekipin. Nuk duhet të veçosh një lojtar. Nuk është faji i Vinit.” Ai nënvizoi se “është faji ynë kolektiv dhe kemi karakterin për ta ndryshuar këtë në fushë.”

Mbappé theksoi edhe aspektin njerëzor të situatës, duke kërkuar një mjedis mbështetës për Viniciusin: “Ai është një qenie njerëzore, një talent i pabesueshëm. Kur është i lumtur, bën diferencën

.” Pavarësisht fitores në LaLiga, atmosfera e tensionuar në Bernabeu reflekton zhgënjimet e fundit, ndërsa dueli me Monacon shihet si një mundësi për të rikthyer qetësinë dhe bashkimin mes ekipit dhe tifozëve.