Sulmet masive ruse gjatë natës në Ukrainë/ Zelensky nuk merr pjesë në Forumin Ekonomik Botëror në Davos

Lufta në Ukrainë ka hyrë në ditën e saj të 1.427-të, ndërsa Zelensky nuk do të udhëtojë drejt Forumit Ekonomik Botëror në Davos të Zvicrës, pas sulmeve masive ruse të ndërmarra gjatë natës, bëri të ditur një zyrtar i Kievit.

Megjithatë, presidenti ukrainas mund të marrë pjesë në forum vetëm nëse zhvillohet një takim dypalësh me presidentin e SHBA-së, Donald Trump, me qëllim nënshkrimin e një të ashtuquajture “marrëveshje prosperiteti”.

Ndërkohë, gjatë punimeve në Davos, presidenti francez Emmanuel Macron deklaroi se nuk është planifikuar asnjë takim i G7 për ditën e enjte, duke kundërshtuar informacionin e përhapur më herët në një mesazh privat drejtuar Donald Trump, ku raportohej se ai kishte shprehur synimin për të ftuar edhe përfaqësues rusë.

Sipas raportimeve, sa i përket situatës bërthamore, alarmi është hequr në termocentralin e Çernobilit. Sipas Agjencisë Ndërkombëtare për Energjinë Atomike (IAEA), objekti kishte humbur përkohësisht të gjitha burimet e jashtme të energjisë pas një sulmi rus. Drejtori i termocentralit konfirmoi se situata radiologjike është aktualisht nën kontroll dhe se nuk ka asnjë kërcënim për mjedisin apo popullsinë.