E godet: NUk me vjen fare keq për të, nuk respektoi një komb të tërë

Gabimi i Brahim Díaz-it ne ekzekutimin e penalltisë në finale të Kupës së Afrikës ndaj Senegalit, ku ai provoi një ‘Panenka’ dhe dështoi, ka shkaktuar debate të shumta. Hervé Renard, trajner i Arabisë Saudite dhe ish-trajner i Marokut, ka përdorur fjalë të ashpra për të kritikur lojtarin:

“Ka të drejtë të gabojë një penallti, por në këtë rast nuk kam mëshirë. Ai tregoi mungesë respekti ndaj një kombi të tërë që ka luftuar për sukses për 50 vjet”.

Gabimi i Díaz-it erdhi pas një pushimi 15-minutësh shkaktuar nga protestat e Senegalit, që kishte braktisur fushën. Lojtari tashmë ka kërkuar falje publikisht, ndërsa shumë miq dhe ish-shokë skuadre e kanë mbështetur përmes rrjeteve sociale.

Renard krahasoi situatën me një rast të ngjashëm kur një lojtar i Arabisë Saudite, Abdullah Al-Hamdan, dështoi gjithashtu një penallti ‘Panenka’ ndaj Marokut: “I kërkova të më ndiqte në konferencën pas ndeshjes dhe të kërkonte falje”, tregoi trajneri francez.

Sipas Renard, veprimi i Díaz-it nuk ishte thjesht një gabim teknik, por një çështje respekti, duke e bërë penalltinë një nga momentet më të diskutueshme të finales së Kupës së Afrikës.

Në thelb, kritika e trajnerit francez vë në dukje se gabimet individuale për shkak të mendjemadhësisë apo papërgjegjshmërisë në momente vendimtare kanë një peshë emocionale dhe simbolike për një komb dhe nuk mund të shihen thjesht si gabime sportive.

Fjalët e tij për median franceze përforcon tensionin që ka krijuar penalltia e dështuar e Brahim Díaz, duke e bërë një nga episodet më të komentuar të turneut.