Papa kërkon intensifikim të përpjekjeve për paqe në Ukrainë dhe zona të tjera konflikti

Papa Leo XIV të dielën bëri thirrje për intensifikim të përpjekjeve ndërkombëtare për ti dhënë fund luftës në Ukrainë dhe kërkoi lutje për paqe në të gjitha rajonet e prekura nga konflikti, përfshirë Lindjen e Mesme.

Duke folur pas lutjes Angelus në Sheshin e Shën Pjetrit, Papa tha se Ukraina vazhdon të përballet me "sulme të pamëshirshme", duke i lënë civilët të ekspozuar ndaj kushteve të ashpra të dimrit, raportoi Vatican News, transmeton AA.

"Edhe në këto ditë, Ukraina vazhdon të goditet nga sulme të pamëshirshme, duke lënë popullsi të tëra të ekspozuara ndaj të ftohtit të dimrit", tha ai.

"Unë e ndjek atë që po ndodh me hidhërim, jam pranë atyre që vuajnë dhe lutem për ta", shtoi Papa, duke paralajmëruar se konflikti i zgjatur po ka "pasoja gjithnjë e më serioze për civilët", duke zgjeruar përçarjet midis popujve dhe duke shtyrë një paqe të drejtë dhe të qëndrueshme më tej.

"I bëj thirrje të gjithëve të intensifikojnë përpjekjet e tyre për ti dhënë fund luftës", tha ai.

Komentet e tij erdhën ndërsa ndërmjetësit ukrainas dhe rusë pritet të zhvillojnë bisedime ballë për ballë të promovuara nga SHBA-të në Abu Dhabi, me një raund të dytë negociatash të ndërmjetësuara nga SHBA-të që thuhet se është planifikuar për fundjavën e ardhshme.

Duke i nxitur ata të jenë ndërtues të paqes “në shtëpi, në shkollë, në sport, kudo”, ai tha se dhuna nuk duhet të hidhet poshtë “as me fjalë dhe as me veprime”.