Klubi ndërpret bashkëpunimin me sulmuesin

Një tjetër largim vjen nga skuadra e Burrelit.

Klubi ka larguar ditën e sotme një nga futbollistët.

Bëhet fjalë për Kiki Silva, i cili nuk është më pjesë e matjanëve.

Nëpërmjet një postimi në rrjetet sociale, klubi ka theksuar se palët kanë ndërprerë me konsensus kontratën mes tyre, ndërsa i ruojnë suksese në vazhdim.

“KF Burreli njofton se pas një aventure 6-mujore, sulmuesi Kiki Silva është larguar përfundimisht nga ekipi ynë.

Klubi dhe lojtari kanë përfunduar kontratën me konsensus të plotë.

KF Burreli e falënderon Kiki Silva për kontributin e dhënë dhe i uron suksese në vazhdim të karrierës”, ka shkruar klubi.