Kroos: Ky format i Champions-it është çmenduri

Toni Kroos ka dhënë sërish deklarata të forta në podcastin “Einfach mal luppen”, që e ndan me vëllain e tij Felix, duke analizuar humbjen e Real Madridit ndaj Benfica (4-2) në ndeshjen e fundit të fazës së ligës së Champions League.

Ky rezultat e nxori Realin nga “top 8” dhe e detyroi të kalojë në “play-off”, ku do të përballet sërish me skuadrën e drejtuar nga José Mourinho.

Para shortit, ish-mesfushori i Realit tha se nuk pret surpriza për “Los Blancos”, por pranoi se nuk e bind plotësisht skuadra e Álvaro Arbeloa:

“Ajo që mund ta bezdisë më shumë Realin është se, me një kalendar kaq të ngjeshur, duhet të luajë dy ndeshje më shumë”.

Kroos mbrojti formatin e ri të Champions-it: “Është argëtues, një gol përmbys gjithçka.

Është çmenduri, por shumë emocionuese. Më pëlqen shumë ky format”.