Juventusi arrin marrëveshjen

Juventusi ka arritur marrëveshje verbale me OGC Nice për transferimin e sulmuesit anësor Jeremie Boga.

Sipas marrëveshjes, 27-vjeçari do të kalojë te bardhezinjtë në formë huazimi, me një klauzolë blerjeje në vlerë prej 5 milionë eurosh në fund të sezonit.

Lajmi është bërë i ditur nga gazetari i njohur Fabrizio Romano, i cili ka konfirmuar se palët kanë mbyllur akordin.

Boga pritet të mbërrijë sot në Torino për të kryer vizitat mjekësore dhe për të nënshkruar kontratën me klubin italian.

Ky operacion shihet si një zgjidhje e mençur për Juven, e cila siguron shërbimet e lojtarit duke ruajtur të drejtën e blerjes në përfundim të sezonit.

Pas përvojës së fundit në Ligue 1 me Nice dhe paraqitjeve të mëparshme në Serie A, Boga pritet t’i shtojë shpejtësi dhe kreativitet repartit ofensiv të Juventusit, duke ofruar alternativa të reja në krahët e sulmit.