Francë: Nxënësi godet me thikë mësuesin në klasë

Një mësues 60-vjeçar u plagos rëndë sot pasi u godit me thikë nga një nxënës në një klasë shkolle në qytetin Sanary-sur-Mer, në Francën juglindore. Mësuesi është në gjendje kritike në spital, sipas prokurorit të Toulonit.

Sulmi ndodhi rreth orës 14:00 (ora lokale) kur një nxënës i klasës së tretë (klasa e fundit e shkollës së mesme që ndiqet nga nxënës të moshës 14-15 vjeç) e goditi mësuesin tre ose katër herë me thikë brenda klasës.

Studenti u arrestua dhe po mbahet në paraburgim për tentativë vrasjeje.

Ministri francez i Arsimit, Edouard Geoffrey, njoftoi se do të udhëtonte drejt vendit të ngjarjes.

Rrjeti televiziv BFM, duke cituar prefektin e departamentit Var, raportoi se 60-vjeçarja u sulmua me thikë nga një 14-vjeçare në klasë dhe se jeta e saj është në rrezik.