Zelensky: 55 mijë ushtarë ukrainas janë vrarë në fushëbetejë që nga fillimi i luftës

Deklarata u bë në një intervistë që u transmetua këtë të mërkurë në televizionin francez ‘France 2’.

Zelensky theksoi se ky numër përfshin si ushtarët profesionistë ashtu edhe ata të mobilizuar, e se përveç viktimave të konfirmuara, një numër i madh i personave konsiderohen zyrtarisht të humbur, duke nënkuptuar se humbjet totale njerëzore mund të jenë edhe më të mëdha.

Presidenti nuk dha detaje të mëtejshme mbi përkatësinë ushtarake të viktimave, por theksoi se kjo shifër reflekton sakrificat e mëdha të forcave ukrainase në frontin e luftës.

Ai gjithashtu bëri thirrje për mbështetje ndërkombëtare dhe solidaritet me popullin ukrainas në këtë periudhë të vështirë.