Egzon Bejtullahi: Jemi të gatshëm për ndeshjen e nesërme

Ferizaj – Drita, sfidë që pritet me kureshtje.

Ferizaj kërkon tre pikë në luftë për ekzistencë e Drita për titullin e kampionit. 

Kjo ndeshje luhet në kuadër të javës së 19-të të elitës së futbollit të Kosovës.

Vendasit kanë përparësinë e terrenit e skuadra nga Gjilani cilësinë.

Kampioni në fuqi nuk i druhet Ferizajt në sfidën e nesërme (13.00). 

Futbollisti i Dritës, Egzon Bejtullahi, shpreh optimizmin: "Normalisht se fusha në Ferizaj është mjaft e vështirë por ne si ekip jemi përgatitur për të dhënë maksimumin për të vazhduar tutje.

E gjithë faza përgatitore nuk është e lehtë deri tek faza për të arritur më të mirën dhe jemi të gatshëm për ndeshjen e nesërme".