Bertrand është në të njëjtën situatë si Granit Xhaka

Trajneri i Sunderlandit, Regis Le Bris, ka dhënë informacionet më të fundit rreth skuadrës para ndeshjes së Premier League kundër Liverpoolit, që do të zhvillohet të mërkurën (ora 21:15).

Futbollisti Bertrand Traore vazhdon të jetë jashtë fushave, teksa po rikuperohet nga dëmtimi në gju i pësuar gjatë Kupës së Kombeve të Afrikës (AFCON).

Edhe Granit Xhaka nuk do të jetë në dispozicion për shkak të një problemi në kyçin e këmbës.

“Bertrand është në të njëjtën situatë si Graniti”, - shpjegoi Le Bris.

“Gjithçka varet nga simptomat – ai është në gjendje të mirë, por do të duhen edhe disa javë.

Ka nevojë për pushim dhe kujdes për gjurin.

Nuk mund ta nxitojmë procesin”.

Lajme pozitive vijnë për Noah Sadiki, i cili u zëvendësua në pjesën e dytë ndaj Arsenalit.

“Ai është mirë”, - konfirmoi shkurt trajneri.