Kush është talenti shqiptar që po rritet në Zvicër? I shënoi gol Baselit U19!

Talenti i ri i futbollit në Zvicër, Muamer Emrulai ka shënuar një moment të veçantë në karrierën e tij.

Ndonëse është 17-vjec, sulmuesi i ri ka debutuar dje në “Switzerland U19 Elite League” me St. Gallen U19 në ndeshjen kampionale kundër Baselit U19, duke arritur të shënojë golin e tij të parë me fanellën e re në minutën e 15-të, gol që doli të jetë përcaktues në fitoren e ekipit tij.

Ai ka lindur më 17 shkurt 2008, në ditën e Pavarësisë së Republikës së Kosovës.

Pas javës së 16-të, St Gallen U19 është pozicionuar në vendin e tetë me 25 pikë, 9 pikë më pak se Baseli U19.

Po kush është Muamer Emrulai, talenti i ri që po rritet në Zvicër?

Ai është një djal i lindur në Zvicër, por me prindër nga fshati Hotël i komunës së Likovës.

Për ta bërë edhe më të thjeshtë, Emrulai është nipi i dëshmorit të kombit nga fshati Hotël, Asip Emrulai-Komandant Rrufeja.

Emrulai para se të vijë në St. Gallen ka qenë pjesë e Winterthur U16, U17 dhe U18.

Ëndrra e tij është që një ditë të vesh fanellën e kombëtares shqiptare të futbollit.