Asnjë fitore përballë Partizanit

Një nga duelet që padiskutim merr vëmendjen kryesorë të tifozëve dhe gjithë sportdashësve është përballja mes Flamurtarit dhe Partizanit. Takim ky që është programuar për t’u zhvilluar ditën e dielë në orën 16:30 në Vlorë.

Një përballje që do të jetë shumë delikate. Kjo më shumë për vlonjatët dhe trajnerin e tyre, të cilët aktualisht nuk po kalojnë aspak një moment të mirë në kampionat, teksa ndajnë fundin e klasifikimit së bashku me Bylis me nga 20 pikë.

Në të tilla kushte, fitorja për kuqezinjtë do të jetë mëse e “detyrueshme”, ndonëse çdo rezultat tjetër do të ishte “fatal” për Francesco Morieron. Stoli i tij ka nisur të lëkundet dhe me shumë gjasa “finalja” e tij në krye të Flamurtarit është dueli ndaj Partizanit. 

Ndërkohë nga ana tjetër, Flamurtari nuk e njeh fitoren në këtë sezon kundër "Demave". Në dy duelet e fazave të para fitimtar kanë dalë kryeqytetasit.