Pas kuinteve të Lojërave Olimpike Milano 2026, dhe kostoja miliarda euro

Lojërat Olimpike Dimërore në Milano-Cortina 2026 janë një nga ngjarjet sportive më të rëndësishme, por edhe një sfidë e jashtëzakonshme financiare për Italinë.

Organizimi i tyre kërkon investime të mëdha në infrastrukturë, siguri, transport dhe shërbime, duke e bërë koston reale të shumëfishojë shpesh parashikimet fillestare.

Kostoja totale e eventit vlerësohet rreth 5.7–5.9 miliardë euro, ku 1.7 miliardë euro shkojnë për organizimin e garave, ceremonive, logjistikës dhe shërbimeve për atletët dhe vizitorët, ndërsa mbi 3.5 miliardë euro përdoren për investime infrastrukturore publike.

Një pjesë e konsiderueshme e fondeve është shpenzuar për modernizimin e rrugëve, hekurudhave dhe impianteve sportive ekzistuese në zonat alpine, duke ulur nevojën për ndërtime të reja të shtrenjta.

Siguria ka qenë një nga sfidat më të mëdha. Kostot përfshijnë mobilizimin e forcave të rendit, sisteme mbikëqyrjeje, kontroll ajror, mbrojtje kibernetike dhe instrukturën me shërbime superteknologjike të sigurisë e cyber security,  Edhe pse nuk raportohet gjithmonë si zë i veçantë, pjesa e sigurisë përbën një pjesë thelbësore të buxhetit organizativ dhe shtetëror.

Për krahasim, edicione si Sochi 2014 dhe Pekin 2022 shpenzuan mbi 20 miliardë dollarë për organizimin dhe infrastrukturën, duke e bërë Milano-Cortina një nga edicionet më “efikase” financiarisht, falë përdorimit të impianteve ekzistuese dhe një modeli më të kujdesshëm buxhetor.

Megjithatë, tejkalimi i buxhetit mbetet një karakteristikë e zakonshme e Olimpiadave, për shkak të afateve të pandryshueshme, standardeve të larta të sigurisë dhe kostove të papritura të materialeve dhe punës.

Përtej shpenzimeve, organizatorët italianë presin përfitime ekonomike përmes turizmit, punësimit afatshkurtër dhe promovimit ndërkombëtar të vendit, duke krijuar një trashëgimi infrastrukturore dhe reputacioni global për dekada.

Milano-Cortina 2026 tregon qartë balancën e vështirë mes shpenzimeve miliardëshe dhe përfitimeve afatgjata, duke ofruar një pasqyrë të rrallë “prapa kuinteve” të një ngjarjeje sportive globale.