Neymar trondit me deklaratën

Neymar ka habitur tifozët me deklaratën e tij të fundit, duke pranuar se po mendon seriozisht të tërhiqet nga futbolli aktiv në fund të vitit, kur i përfundon kontrata me Santos FC.

Ylli brazilian theksoi se e ardhmja e tij mbetet e pasigurt.

34-vjeçari aktualisht është i fokusuar për të siguruar një vend në skuadrën e drejtuar nga Carlo Ancelotti për Kupën e Botës 2026, e cila mund të jetë edhe turneu i fundit i madh i karrierës së tij. Neymar pranoi se ky vit është vendimtar si për klubin, ashtu edhe për përfaqësuesen braziliane.

“Nuk e di çfarë më pret e ardhmja. Është e mundur që në dhjetor të dua të dal në pension. Po e marr ditë pas dite. Ky vit është shumë i rëndësishëm, si për Santosin ashtu edhe për kombëtaren”, u shpreh sulmuesi.

Gjatë karrierës së tij, Neymar ka zhvilluar 128 ndeshje me Kombëtarja e Brazilit, duke realizuar 79 gola.

Ai ka lënë gjurmë në futbollin evropian me fanellat e FC Barcelona dhe Paris Saint-Germain, përpara se të transferohej te Al Hilal.

Deklarata e tij ka ndezur menjëherë diskutime për fundin e një epoke në futbollin botëror.