MotoGP është gati për startin, Markez do titullin e 10-të

Kjo është java magjike e motoçiklizmit.

Gjithçka nis në Çmimin e Madh të Tajlandës në Buriram, me vëmendjen e përqendruar te lufta për titullin e dhjetë të Mark Markezit.

Një objektiv madhor, një sfidë historike. Vetëm Xhakomo Agostini (15 tituj) dhe Angel Nieto (13) kanë arritur shifrën dyshifrore të titujve botërorë. Me nga nëntë kanë mbetur Valentino Rosi, Majk Hailud dhe Karlo Ubiali.

NJË SFIDË EDHE MË E MADHE – Mark Markez hyn në betejën për titullin e dhjetë pas një parasezoni që ka konfirmuar Dukatin si pikë reference, por me një konkurrencë shumë më të fortë.

Në Malajzi, Aleks dhe Peko Banjaja dominuan simulimet e sprintit, ndërsa në Tajlandë doli në pah një Aprilia rekord, e udhëhequr nga Marko Bexeki dhe Ai Ogura. Numri 93 mbetet favoriti kryesor, por ka rivalë seriozë dhe duhet të menaxhojë edhe aspektin fizik, një faktor kyç për një pretendent për titull. “

Për momentin, gjithçka duket më e ngjeshur sesa në Tajlandë vitin e kaluar. Edhe pse gara e parë është gjithmonë e veçantë, pasi është bërë test këtu dhe diferencat janë shumë të vogla, gjatë sezonit do të kuptohet më qartë.

Çdo vit MotoGP ndryshon, por unë duhet të përqendrohem te forma ime për të vazhduar përmirësimin. Vetëm kështu mund të arrij nivelin e vitit të kaluar”, u shpreh spanjolli.

RIVALËT KRYESORË – Markez nuk heziton të identifikojë rivalët për titullin. “Marko Bexeki, Aleks dhe Peko kanë qenë shumë të shpejtë”, theksoi ai. Një vlerësim që e kishte bërë edhe pas testeve në Malajzi:

“Ata fluturuan, ishin më të shpejtët këtu tre muaj më parë dhe vazhdojnë të jenë”.

Megjithatë, një Çmim i Madh i vërtetë është diçka tjetër. Nuk bëhet më fjalë për simulime të vetmuara sprinti

, në lojë hyjnë taktikat, menaxhimi i gomave dhe betejat direkte në pistë. Tajlanda zakonisht dhuron gara spektakolare dhe Markez është specialist në këtë pistë..