Slot: Shumica e ndeshjeve në Angli nuk më japin kënaqësi

Trajneri i Liverpool-it Arne Slot, mendon se portierëve në Premier Ligë u jepet më pak mbrojtje nga gjyqtarët e ndeshjeve, sesa atyre në ligat e tjera.

“Këtu pothuajse mund ta godasësh portierin në fytyrë dhe gjyqtari prapë thotë thjesht vazhdo. A më pëlqen? Zemra ime e futbollit nuk e pëlqen”- tha holandezi.

Ndërkaq, mezi priste të shikonte ekipin e Barcelonës të Pep Guardiolës, të cilët ishin të njohur për futbollin e tyre të butë dhe të përkushtuar në posedim.

“Tani, shumica e ndeshjeve që shoh në Premier Ligë nuk janë një kënaqësi për mua ti shikoj” - tha Slot.

Liverpool i vendit të pestë, i cili ka fituar shtatë nga nëntë ndeshjet e tij të fundit në të gjitha garat, është në një pozitë të fortë për tu kualifikuar në Ligën e Kampionëve të sezonit të ardhshëm.

Futbollisti i Liverpool-it, Florian Wirtz, pritet të humbasë ndeshjen kundër Ëolves dhe ndeshjen e së premtes në Kupën FA kundër të njëjtëve kundërshtarë, të dyja që zhvillohen në stadiumin Molineux, për shkak të një problemi në shpinë.

Gjermani Wirtz, humbi fitoret e Liverpool-it kundër Nottingham Forest dhe West Ham.