Griezmann ironizon Barcelonën pas kualifikimit të Atleticos në finale

Pas eliminimit të Atletico Madrid nga Barcelona në gjysmëfinalet e Copa del Rey, sulmuesi francez Antoine Griezmann ka bërë një veprim që ka ndezur debatin në rrjetet sociale.

Edhe pse Atletico u mund 3-0 në ndeshjen e kthimit në “Camp Nou”, skuadra madrilene arriti të kalonte në finale falë avantazhit 4-0 të fituar në ndeshjen e parë. Pas ndeshjes, Griezmann publikoi në rrjetet sociale një fotografi të tij duke festuar, ku në sfond shihen lojtarë të Barcelonës të shtrirë në fushë, me mbishkrimin ironik: “A është kjo foto shumë e fortë?”.

Ky mesazh u konsiderua një formë e hidhur dhe ironike përgjigje ndaj një postimi të publikuar nga Barcelona pothuajse një vit më parë, kur katalanasit kishin përgëzuar veten pas një ndeshjeje të fituar ndaj Atleticos me të njëjtën frazë.

Publikimi i Griezmann ka shkaktuar reagime të forta nga tifozët e Barcelonës, të cilët e kanë cilësuar si një “ngacmim të panevojshëm”, duke ribashkuar tensionet mes tifozëve dhe ish-klubit të tij.

Atletico tani pret finalen e Kupës së Mbretit, ndërsa e ardhmja e Griezmann te klubi mbetet e pasigurt me interesimin e ofertave nga MLS.