Plasin polemikat në Madrid

Ndërsa Real Madrid po luante për tri pikë shumë të rëndësishme në “Santiago Bernabéu” kundër Getafe, që mund të vlejnë një kampionat në fund të sezonit, Kylian Mbappe ndodhej në festë në Paris, sipas “L’Equipe”. “10” i bardhë, i munguar në derbin madrilen për shkak dëmtimi, u pa natën duke pirë me Achraf Hakimi dhe miq të tjerë në kryeqytetin francez.

Disa e kanë kritikuar qëndrimin e tij, duke folur për mungesë angazhimi në një moment delikat të sezonit. Mes kritikëve ishte edhe Manu Carreño, i cili në emisionin “El Larguero” (SER) u shpreh:

“Një gjë është çfarë je dhe një tjetër çfarë dukesh. Nëse je i dëmtuar, normalja është të jesh në ndeshje.

Dhe nëse nuk je, ndërkohë që në Francë thuhet se ke dalë me Achraf Hakimi në Paris, ndërsa skuadra jote po luan…, nuk e di.

Mendoj se është çështje angazhimi dhe imazhi. Ai që pretendon të jetë lider i një projekti sportiv nuk e di nëse jep imazhin më të mirë duke festuar, edhe nëse është i dëmtuar”.