Bayerni monitoron Osimhenin

Bayern Munich po ndjek me interes formën e shkëlqyer të Victor Osimhen te Galatasaray, por çdo lëvizje e mundshme do të varet nga situata kontraktuale e Harry Kane.

Sulmuesi 27-vjeçar po shkëlqen këtë sezon, me 10 gola në Süper Lig dhe shtatë të tjerë në Champions League, duke rikthyer zërat për një kalim te një gjigant evropian në verë.je

Raportet e fundit sugjerojnë se trajneri Vincent Kompany e vlerëson shumë profilin e Osimhenit dhe brenda klubit ka diskutime për një ndryshim eventual në majën e sulmit.

Megjithatë, burime pranë klubit gjerman hedhin dyshime mbi mundësinë që Bayerni të heqë dorë nga Kane.

Përkundrazi, prioritet mbetet zgjatja e kontratës së kapitenit të Anglisë, me bisedime që thuhet se kanë nisur tashmë.

Kane është i hapur për të qëndruar në Mynih dhe drejtuesit duan ta sigurojnë për një periudhë afatgjatë.

Osimhen iu bashkua Galatasarayt për 75 milionë euro dhe ka kontratë deri në vitin 2029.

Nuk ka sinjale se klubi turk është i gatshëm ta shesë, ndërsa çdo marrëveshje do të kërkonte investim të madh financiar.

Ai është lidhur edhe me Paris Saint-Germain, si dhe me oferta nga Arabia Saudite.

Për momentin, gjithçka varet nga e ardhmja e Kane: vetëm nëse situata ndryshon, Osimhen mund të bëhet objektiv konkret për Bayernin.