Musah shënoi golin e parë

Gjatë humbjes së Atalantës në fushën e Sasuolos, Junus Musah realizoi golin e tij të parë në Serie A, por mesfushori ende nuk e di se çfarë do të ndodhë me të ardhmen e tij.

Musah, i huazuar verën e kaluar te skuadra bergamaske, ka gjetur pak hapësirë te trajnerët Juriç dhe më pas Paladino, por në këtë fund sezoni me shumë ndeshje, ai mund të ketë më shumë minuta loje. Milan e ka huazuar lojtarin për 4.5 milionë euro, me një opsion blerjeje që sillet rreth 20.5 milionë euro.

Një shifër që Atalanta duket se nuk është e gatshme ta investojë për sulmuesin e lindur në 2002, i cili nuk ka qenë një lojtar kyç te skuadra nerazzurra këtë sezon.

Megjithatë, klubi milanez mund të bëjë një zbritje për Atalantën, duke pranuar rreth 16 milionë euro për ta lënë mesfushorin në mënyrë të përhershme në Bergamo. Shumë do të varet nga pozicioni përfundimtar i Atalantës në klasifikim, pasi skuadra mund të vlerësojë blerjen vetëm nëse arrin kualifikimin për Europa League të ardhshme, duke pasur mundësinë të mbështetet te të ardhurat nga UEFA.